تنبيه هام

تنبيه هام

عُمرى ما خططت إطلاقا..
إنى أبقى أى حاجه..
عمري ما كان عندى ثقافة (الإختيار)..
دايما عندى قلق من بكره..
وحب لـ إمبارح..
حابس كل تفاصيل حياتى فـ اللى بفتكره من التسعينات اللى نحتت دماغى وشكّلتها بشكل لسه مشوفتوش لحد دلوقتي..
عندى فوبيا من المرايات والزحمه..
مما لا شكّ فيه..
هذا الديوان ليس إلاّ عصارة 3 شهور من الإكتئاب المستمر ..
يُنصح بقرائته فـ قطار..
أو جنب أي شباك عربيه مسافرة مكان بعيد..
أهدي هذا الديوان لـ أبويا اللى مقتنعش انى شاعر غير لما طلعت على روتانا..
و أمي اللى ما زالت شايفه ان العاميه مش شعر..
وأختي اللى مبتحبش الشعر أصلا..
وأختي التانيه اللى بتحبني وخلاص..
وأخويا اللى بيحبنى جداً.. بس عمره ما قالهالي..
ولكل صحابى اللى الشعر بالنسبالهم (وبرغم البُعد الباعِد عني بحبّك) ..
ولستّ الحسن اللى بسببها الديوان ده بيتقرى حالا ..
هذا الديوان لا يهدف لأى (Like) أو (Comment) أو (Share) ولهذا يُحفظ بعيداً عن متناول الفيس.

محمد إبراهيم

 

التعليقات

تعليق