حقنة بنج

حقنة بنج

دكتور ..
مستشفى وناس ووشوش وانا نايم والناس حواليا ..
إيدك مع ايدى البردانه ..
فـ صراع خليك جنبى شويه ..
وعنيا بتقفل أبوبها وبروح فـ النوم غصبن عنى ..
الورد ده خالى بعتهولى ..
ساب إسمه بخط كبير عـ الكارت ..
مفعول البنج اللى فـ دمى راح فجأه ببص لقيتنى كبرت ..
جناح الدنيا شالك فوق .. ورزعك تحت ..
بكيت وفرحت ..
بكيت فإرتاحت ..
وطعمك طعم أول بنت تقابلها ..
فـ أول يوم فـ إعدادى ..
وقلبك لسه لون صفحه فـ كشكول سلك لسه جديد ..
مكنش ساعتها فيك لمعه ..
وشكلك منتهى العادى ..
فضلت تحبها لواحدك ..
وأبعد مـ البعيد بـ بعيد ..
كإن العمر حقنة بنج ..
تنام عيل تقوم تلقى ..
ملامحك كلها تجاعيد !!! ..

التعليقات

تعليق