دعاء 1

دعاء 1

أستغفر الله العظيم..
يارب انا بسمع حليم..
انا من تراب..
الدُنيا زى الموج تشد ..
فـ تروح ما تلقى غير سراب ..
والدين فـ خانة قلبى سطر ..
والعمر قطر ..
لكن وقف معرفش بكبر ولا بصغر ولا إيه ..
معرفش حتى منين أروحلك سكتك مـ انا لسه عينى الضيقه مش شايفه واسع رحمتك ..
من كل ..
من كل بنت إديها نامت جوّا إيدى فـ الشتا ..
من كل ضحكه ميته .. طلعت كده ..
علشان تبان فـ الكادر ذكرى كويسه ..
من كل نطة سور وحصه غبتها من درس روحته ومدرسه ..
من كل مره فيها صوتى عدى صوت امى فـ مناهده ..
من كل مره جدتى قاطعتنا فيها بكلمة _ إهدى _
من كل مره جبت ورد لـ بنت أو بصيتلها ..
من كل SMS .. فـ يوم وصلتلها
من كل حاجه بجهل منى وقصد روحت عملتها ..
قررت أول مره أسيب وأبدأ أغيب ..
مش عيب أسيب شيئ خدنى منك للحياه ..
بس انى أسيبك هوا ده اللى يارب عيب ..
قررت آخد من حياتى ومن سنينى ومن حنينى ومن روتينى فجأه جنب ..
أستغفر الله العظيم من كل ذنب

التعليقات

تعليق