دعاء 2

دعاء 2

لا إله إلا انت ..
انا كنت عيل عمر قلبه ما حب بنت ..
أول كلامهم ليا من بعد الدموع ..
كان فـ السبوع ..
إسمع كلام عمك كذا .. إسمع كلام خالك فلان ..
وكبرت حبه قالولى صلى .. قولت ليه ؟! ..
قالو ليه تسأل عليه ؟! ..
قولت مين ..
قالوا ربك ..
قبل مأسمع _ عمرو خالد _ قلبى حبك ..
_ سبحانك _ ..
تسبيح من بعد سلام فـ صلاه ..
انا كنت بصليها جماعه ..
انا عمرى ما كنت أتوقع خالص انى أعصيك ..
مش خوفا من نارك لكن ..
كان حباً فيك ..
وضعفت ساعات وعملت حاجات ..
خلتنى أتغير وأتحول ..
وأبقى أسوء وأسوء مـ الأول ..
فأنا آسف جدا صدقنى ..
انا بغرق فـ الدنيا إلحقنى ..
يا تاخدنى لفوق ..
ياتقولى إزاى ..
أتعايش وسط البنى آدمين ..
إنى كُنت من الظالمين

التعليقات

تعليق