عشم إبليس

عشم إبليس

أحداث بتدور ..
وانا وإنتى وليل .. بيطول على طول علشان غايبه ..
بردان بينام فـ كفوف الخوف .. متشعلق فـ حبالها الدايبه ..
مكسور نصين بيحبوكى .. متساب فـ دروجك للذكرى ..
من كتر ما بيعيش فـ إمبارح .. بقى رافض حتى يشوف بكره ..
ضمينى ان كنتى مفارقانى ..
وسبينى فـ حضنك بدموعى ..
وان بلّت قلبك كام دمعه ..
حنيلى إن كان نفسك فيا ..
ما خلاص قصتنا بتتحول .. لحوار فـ الفيلم وأغنيه ..
وأهو خِلص الفيلم اللى كتبته ..
على عكس ماكنت انا بتمنى..
مانا كنت فـ حُبك مـ الأول ..
إبليس متعشّم فـ الجنه !

التعليقات

تعليق