عن أبويا

ومن صغرى يقولوا عليا (نسخه مصغره منك).. وكربونه..
وصوره طبق أصل وشكل..
نحب الكوره والأهلي.. نحب أنا وإنت نفس الأكل..
ونسمع ورده وأصاله..
تشيلنى لحد باب أوضتى.. برغم إني.. آخدنى النوم على الكنبه اللى فـ الصاله..
فاكرلك كل حاجه عشان.. متكملش الحياه بغيرك..
وبوستك وإنت عندك برد.. عَدِيتنى نمت فـ سريرك..
عتابك ليا عـ التأخير.. وعـ التقصير.. وعـ الشيشه..
كلامك ليا عن غيرنا.. وناس بيعانوا فـ العيشه..
عراق..
سرقت سنين عمرك.. عشان تعرف تجيب شقه..
دوا جبته فـ يوم ماتعبت بآخر قرش إتبقى!
كتير تفاصيل بتجمعنا.. وتضحيات وبيت وكيان..
حاجات صدقنى ساعدتنى.. من الآخر أكون إنسان!

التعليقات

تعليق