عن الناس

عن الناس

فيه ناس بتعلقك بيها.. وبتسيبك عشان ملّت..
وناس فـ الماضى حبيتها.. وناس بمشاعرك اتسلّت..
وناس فـ عنيك قيمتها تزيد.. وناس قلّت..
وناس غيرهم تسيب ايدهم فـ كل طريق..
وناس تحلم بأي صديق..
وناس لو شفتها تفرح..
وناس غيرها تجيبلك ضيق.. وناس مهما تكبّرها تصغّر فيك..
وناس غاويه كلام فاضى ورغى عليك..
وناس تتمنى تبقى معاك وناس مش ليك..
وناس غير ناس..
وهتقابل وراح تعرف..
وراح تقوى مع الأيام.. وراح تضعف..
وراح تعلى.. وراح تنداس..
مادام انت من الأول.. رضيت تبقى مابين الناس!

التعليقات

تعليق