عن ربنا

عن ربنا

كان لازمك وقت عشان تفهم..
إنك مخلوق علشان تسرح..
ربنا عرفوه بالعقل زمان ..
وانا ياما العقل موصّلنيش !غير للتوهان !
ويارب انا مؤمن بوجودك ..
مش فكرة (شوف) مانا عارف ان الهوا موجود مع انى ما شفت !
الفكره فـ إنى بحب الخوف.. لو منك خوفت ..
والدنيا دى مش لعبه قديمه..
ولا فيلم انا شوفته فـ كذا سيما..
الدنيا دى سلّم رايح جاى ..
بيطلّع ناس وينزّل غير !
وانا لسه بجد بحب الخير..
وبحبك حب انا مفهموش ..
ولا له تفسير غير انى ساعات..
من قبل ما بدعيلك بحاجات ..
بلاقيها فـ إيدى و وحصلالي ..
فالفكره أساسا وصلالي ..من غير فلان يقنعنى بشيء..
وإن كنت بعيد فالبعد عشان ..انا بتعب كل أما أمشى طريق..
والدنيا بتسحب إيدى كتير..
وإتشد لتحت..
وانا عارف انك موجود ..من أول مره يارب سرحت !

التعليقات

تعليق