عِلبة ألوان

كان عندى زمان ..علبة ألوان.. بس ملوّنتش ولا صوره..
ومكنتش باكل إطلاقاً عـ السنّه دى علشان مكسوره..
كان عندى جيوب جوا الجاكت.. ومشلتش فيها فلوس خالص..
علشان ممعييش..
وإن حتى معايا مبيكفّيش غير حق إزازة كوكاكولا..
بشربها وبعطش من تانى..
أنا كُنت ساعتها فـ سنه أولى.. وكنت أقعد فـ الدُرج التانى..
وعشان الصف بتاعى يمين.. كان نور الشمس يزغلل نُص السبّوره ..
أول ما كبرت بدأت أفهم..
إن الميت مش راح يرجع..
عيطت كتير علشان جدي..
وفضلت كتير برده بدمّع..
على صاحب كان واقف جنبى وساندنى وماسك فـ اديا..
قام يجري فـ خبطته عربيه.. وقت ما كنا بنلعب كوره..
عشت كل سنين حياتى أبيض وإسود..
كل حاجه كنت أقرّب منها تبعد..
مش فارق شكلي لدلوقتى من شكل زمان..
ما انا لسه أساسا مفهمتش معنى الألوان.

التعليقات

تعليق