فلوماستر أبيض

فلوماستر أبيض

لو قلبك كان متحيّر بين حاجه وحاجه كمان..
اعرف انك ف الدنيا لون من ضمن الالوان..
يختارك حد بيرسم..
يا بتفضل جوا العلبه..
يا تعيش فلوماستر ابيض.. ملوش ف العلبه مكان..
يا تعيش اسود بيحدد..
يا تعيش شفاف متردد.. خايف لو انه يبان..
يا تعيش اخضر متفائل..
أو أزرق غامق عاقل.. بيدلّ على الانسان..
انا لون الرمش ف رسمه.. لعيون كام بنت جميله..
اللوحه بتاخد عمرى.. وارجع وابيعها ف ليله..
مانا زى الميه ولونى.. شفاف مايل للزرقه..
واعكس الوان مش فارقه..
باهت وقليل الحيله.

التعليقات

تعليق